Italia po planifikon të fusë kufizime të reja në të gjithë vendin ndërsa infeksionet ngjiten në nivele të larta që nga muaji mars, transmeton Insajderi.Ekspertët italianë takohen të hënën për të shqyrtuar kufizimet e reja, të pritura më vonë gjatë javës, pasi infeksionet ditore të vendit tejkaluan 5,000 në ditët e fundit për herë të parë që nga marsi. Sidoqoftë, vdekjet e lidhura me virusin janë shumë më të ulëta sesa në kulmin e pandemisë që ishte në pranverë, raporton “The Guardian”.
Ministri i shëndetësisë, Roberto Speranza, tha se ai kishte propozuar një ndalim në të gjithë vendin për festat private, ndërsa Roma do të synonte gjithashtu orët e caktuar të hapjes për bare dhe restorante.
“Tani ne kemi nevojë për një ndryshim të ritmit, dhe për të ndërhyrë me masa, jo të krahasueshme me ato të miratuara në të kaluarën, por të cilat mund të na lejojnë të vendosim nën kontroll dhe të shmangim masat më të ashpra më vonë”, tha ai në një intervistë për televizionin shtetëror, RAI TV.
Të dielën, ministri i jashtëm, Luigi Di Maio, përjashtoi një bllokim tjetër kombëtar, duke thënë se ekonomia nuk mund ta përballonte atë. /Insajderi.com
