Izraeli ka filluar sulmet ajrore në Rripin e Gazës në shenjë hakmarrje ndaj disa grupeve palestineze që hodhën balona ndezëse drejt Izraelit jugor, transmeton Insajderi.
Shpërthimet në Gaza u dëgjuan në orët e para të së mërkurës, ndërsa ishin shpërthimet e para që nga bombardimet 11-ditore të Izraelit në Gaza në maj dhe vijnë pas një marshi në Jerusalemin Lindor nga nacionalistët hebrenj.
Sipas shërbimit izraelit të zjarrit, disa tullumbace u dërguan nga Gaza në Izrael të martën, duke shkaktuar zjarre të shumta në fusha të hapura në disa komunitete pranë kufirit.
Ushtria izraelite tha se avionët e saj sulmuan caqet e Hamasit në Gaza dhe në qytetin jugor Khan Younis dhe tha ishte gati për të gjithë “skenarët e mundshëm, përfshirë rifillimin e luftimeve përballë akteve të vazhdueshme terroriste që vijnë nga Gaza”.
Një zëdhënës i Hamasit, duke konfirmuar sulmet izraelite, i tha agjencisë së lajmeve ‘Reuters’ se palestinezët do të vazhdojnë “rezistencën e tyre të guximshme dhe të mbrojnë të drejtat e tyre dhe vendet e shenjta në Jerusalem”.
Ende nuk dihet nëse ka viktima në Gaza nga bombardimet. /Insajderi.com
