Qeveria e Japonisë njoftoi një vendim për të filluar derdhjen e më shumë se një milion ton ujërave të ndotura të trajtuara por akoma radioaktive nga impianti bërthamor i gjymtuar Fukushima në Oqeanin Paqësor për dy vjet, shkruan NPR, transmeton Insajderi.
Impianti u dëmtua rëndë në një tërmet dhe cunami që la të vdekur ose të zhdukur rreth 20,000 njerëz në Japonië verilindore.
Pavarësisht sigurimeve të Tokios se shkarkimi i ujërave të ndotura nuk do të përbëjë kërcënim për njerëzit ose mjedisin, vendimi u kritikua r nga komuniteti lokal i peshkimit, grupet mjedisore dhe fqinjët e Japonisë.
Brenda disa orësh nga njoftimi, protestuesit u mblodhën jashtë zyrave qeveritare në Tokio dhe Fukushima.
Impianti i dëmtuar në Fukushima do të paktën dekada për t’u çaktivizuar. Një tokë e tërë përreth impiantit mbetet e pabanueshme, mijëra banorë mbeten të zhvendosur dhe çështja e ujërave të ndotura është një shembull tjetër i efekteve komplekse, afatgjata të katastrofës së vitit 2011.
Që nga tërmeti dhe cunami që gjymtoi impiantin bërthamor Fukushima Daiichi, uji i përdorur për të ftohur reaktorët bërthamorë dhe ujërat nëntokësorë të kontaminuar është ruajtur në rezervuarë masivë.
Operatori i uzinës, Tokyo Electric Poëer Co. (TEPCO), thotë se rreth verës së ardhshme do të mbarojë hapësira për të ndërtuar depozita të reja për të mbajtur 1.25 milion tonë ujëra të ndotura të grumbulluara. Kritikët argumentojnë se qeveria mund të marrë më shumë tokë për të ndërtuar depozita të reja. /Insajderi.com
