Kellyanne Conway ka njoftuar se ka dhënë dorëheqje nga pozita e saj si këshilltarja kryesore për media e presidentit amerikan, Donald Trump, njofton Insajderi.
Në një njoftim, Conway thotë se do të largohet në fund të këtij muaji që të fokusohet më shumë tek fëmijët e saj.
Burri i saj George, një kritik i hapur i Donald Trump, gjithashtu ka vendosur të largohet nga aktivizmi politik.
Ajo ka thënë se vendimi “ishte komplet zgjedhja ime”, dhe se në të ardhmen do të njoftojë për hapat e mëtejshëm.
Conway ka shërbyer për katër vjet me radhë dhe është gruaja më e pushtetshme në Shtëpinë e Bardhë, shkruan BBC.
Ajo është gjithashtu gruaja e parë që ka udhëhequr suksesshëm një kampanjë për president – duke fituar zgjedhjet e 2016 me Donald Trump./Insajderi.com
