Kryeministri britanik Boris Johnson, i cili të hënën, për shkak të përkeqësimit të simptomeve të COVID-19 është transferuar në repartin për kujdes intensiv në spitalin londinez, ka marrë terapi me oksigjen, por nuk është kyçur në respirator, kanë publikuar mediet britanike.
Burimet nga spitali i kanë thënë medieve se Jonson ka marrë oksigjen, por është i vetëdijshëm dhe nuk është në respirator.
Johnson prej të dielës mbrëma gjendet në mjekim në spitalin londinez “St. Thomas”, pasi rreth dhjetë ditë nuk i janë zhdukur simptomat e COVID-19.
Gjatë qëndrimit në mjekim intensiv do ta zëvendësojë ministri i jashtëm Dominic Raab.
Mbretëresha Elizabeth është informuar për situatën, ka publikuar pallati i Bakingamit.
Zëdhënësi i Johnson nuk deshi të përgjigjet në pyetje se ka kryeministri të kallurit e mushkërive, mirëpo transferimi i tij në repartin intensiv tregon mjaft për situatën e vështirë.
Ekspertët shëndetësor thonë se nuk ka dyshim se Johnson është sëmurë rënd.
Liderët botëror si Angela Merkel, Donald Trump, Emmanuel Macron, Urslula van der Leyen i kanë dëshiruar shërim të shpejtë./Insajderi.com.
