Stefano Pioli është një ndër trajnerët më të përgatitur për të studiuar në detaje kundërshtarin dhe duke parë se ndeshja me Juven është jetike për sezonin, ai duket se ka vendosur që të luajë dhëmb për dhëmb duelin e sotëm, njofton Insajderi.
Ndonëse deri tani ka këmbëngulur mbi modulet 4-3-3 apo edhe 4-2-3-1, trajneri i Milanit në seancën e djeshme ka vendosur të provojë 4-4-2, pra të ndryshojë skuadrën e tij me të njëjtin formacion që luan edhe Juventusi i Andrea Pirlos. Ideja duket të jetë ajo e të luajturit në “pasqyrë” me ‘bardhezinjtë’, duke qenë se ndeshja mund të vendoset në fund nga duelet një kundër një. Risia është vetëm se në sulm përkrah Ibrës mund të luajë.
Andrea Pirlo ka marrë lajme të mira së fundmi nga infermieria, duke parë se Alvaro Morata është rikuperuar plotësisht, por edhe Federico Chiesa e ka kaluar testin e forcës, ndonëse nëse do ta nisë titullar apo do të jetë në gatishmëri nga stoli, këtë pritet ta konfirmojë vetë trajneri. Gjithsesi, duke parë provat në “Kontinaza”, dyshimet për Juven janë të pakta. Në portë mund të luajë Buffon, ndërsa në mbrojtje Chiellini do të jetë “gardiani” i Ibrës, me De Ligtin e Bonuçin në balotazh për një fanellë. Në mesfushë Rabiot e Bentancur duken favoritë, me Arthur gati në kabinën e mesfushës, ndërsa në sulm pritet të luajnë Ronaldo-Dybala. /Insajderi.com
