Ky rajon në gishtin jugor të Italisë u shpall shpejt një “zonë e kuqe” në fillim të nëntorit ndërsa virusi po përhapej pandalueshmërisht, shkruan BBC, transmeton Insajderi.
Italia ishte vendi i parë perëndimor që u shtyp nga pandemia dhe ishte për disa kohë epiqendra e saj globale.
Me numrin e tetë më të lartë të rasteve në botë, këtë muaj ai u bë i dyti në Evropë që kalon 50,000 vdekje.
Kalabria është lënë pas me dekada të keq menaxhimit politik dhe plaçkitjes nga mafia e saj, ‘Ndrangheta’, e cila u infiltrua në sistemin e kujdesit shëndetësor.
Bandat kriminale kapën burimet dhe u futën në borxhe masive, duke çuar në mbylljen e 18 spitaleve të saj publike dhe shkurtime të shtretërve dhe personelit.
Vetëm disa ditë më parë, një politikan i lartë vendas u arrestua, i akuzuar për pastrim parash përmes farmacive të kontrolluara nga Ndrangheta në këmbim të mbështetjes mafioze.
Korrupsioni përkeqësoi dështimet serike të politikës në vend: dy komisionarë shëndetësorë për rajonin u pushuan nga puna brenda muajit të kaluar. Njëri u pushua pasi ai i quajti të padobishme maskat e fytyrës dhe tha se mënyra e vetme për të kapur virusin ishte puthësh me gjuhë një person të infektuar për 15 minuta.
Dy kandidatë të tjerë të emëruar nga qeveria refuzuan punën. Kjo emergjencë po dëmton ekonominë e Kalabrisë, dhe rangimi si ‘zonë e kuqe’ po mbyllë bizneset për herë të dytë këtë vit. /Insajderi.com
