Kategoria Superiore po mbërrin në javët e fundit të saj dhe lufta për titullin kampion vazhdon që të mbetet e hapur, ndërsa pronari i vendit të parë ndërron shpeshherë emër. Këtë herë është Vllaznia që merr sërish kryesimin pasi mundi në shifrat 2-1 Skënderbeun, njofton Insajderi.
Me trajnerin Memelli, korçarët kanë ndërruar tërësisht fytyrë. Goli i parë i takimit do të vinte nga Elvi Berisha që do të kalonte miqtë në epërsi në minutën e 25 pas gabimit të Adilit.
Si në golin e Shehit që barazoi fillimisht shifrat në 1:1, dhe te Dilver për ta dërguar rezultatin në 2-1, golat erdhën nga loja e ndaluar. Nga ana tjetër trishtimi është i madh në Korçë pasi është rikthyer seriozisht makthi i Kategorisë së Parë. Kjo pasi Bylisi fitoi në minutën e fundit ndaj Apolonisë edhe pse luajti me një lojtar më pak nga minuta e 80 pas ndëshkimit me të kuq të Spahiut.
Goli i fitores do të vinte në minutën e 91 nga Beji. Sa i përket ndeshjes mes Kastriotit dhe Laçit është mbyllur në barazim pa gola me kurbinasit që i largohen më tepër vendit të parë. Në këtë përballje Nuabueze do të tradhtonte sërish Duron pasi u ndëshkua me karton të kuq vetëm pas shtatë minutash nga aktivizimit në të 75-tën, falë ndërhyrjes së gabuar kundër Nezirit. /Insajderi.com
