Katër persona kanë dalë në gjyq në Francë për një komplot të gushtit 2015, për të sulmuar amerikanët në një tren me shpejtësi të lartë.
Ayoub El-Khazzani akuzohet për hapjen e zjarrit në bordin e një treni që udhëtonte nga Amsterdami në Paris, tre muaj para sulmeve të Parisit.
Dy persona u plagosën para se ai të mposhtej nga pasagjerët.
Askush nuk vdiq në incident, i cili frymëzoi një film thriller të Clint Eastwood The 15:17 to Paris.
Tre të tjerë dyshohen se kanë ndihmuar z. El-Khazzani në planifikimin e sulmit. Bilal Chatra, Mohamed Bakkali dhe Redouane Sebbar përballen me akuza më të vogla se sa personi i armatosur. Këto përfshijnë komplotin me terroristët dhe bashkëpunimin në vrasjen e mbetur në tentativë.
El-Khazzani, ndërkohë, mund të përballet me burgim të përjetshëm nëse shpallet fajtor për përpjekje për vrasje si pjesë e një ndërmarrje terroriste dhe komploti për të kryer krim terrorist. Gjatë një seance fillestare ai i tha gjyqtarit se organizatori i sulmeve në Paris, Abdelhamid Abaaoud kishte urdhëruar sulmin e tij, sipas agjencisë së lajmeve AFP./Insajderi.com
BBC News
