Kërkohet mbështetje për prodhuesit vendorë

Ministri i Tregtisë dhe Industrisë është takuar me Odën e Afarizmit së Kosovës.

Kërkohet mbështetje për prodhuesit vendorë

Përfaqësues së Odës së Afarizmit së Kosovës janë takuar me ministrin e Tregtisë dhe Industrisë, Vesel Veseli për të diskutuar në lidhjen me situatën e prodhuesve vendor të cilët po përballen me sfida të shumta për shkak të pandemisë.

Në këtë takim u shpalosën shqetësimet e bizneseve, rëndësia e mbështetjes së tyre të cilat janë dëmtuar nga pandemia dhe rëndësia që të përkrahen prodhuesit vendor qoftë nëpërmjet ofertave apo lirimit të plotë të lëndës së parë si për furnizime brenda ashtu edhe jashtë vendit.

Ministri i Tregtisë dhe Industrisë, Vesel Veseli tha se do të jetë në mbështejte të prodhuesve vendorë. /Insajderi.com/

Deklara e plotë e OAK pa ndërhyrje

 

Mundësitë e bashkëpunimit për tejkalimin e gjendjes aktuale dhe vështirësive të shkaktuara si pasojë e pandemisë, përkrahja e prodhuesve vendor, rëndësia e diskutimit paraprak të pakos së rimëkëmbjes me komunitetin e biznesit dhe specifikat që përmban për përkrahje të tyre, e sfidat me të cilat po përballen prodhuesit vendor me rrjetet e marketeve ishin arsyeja e takimit të përfaqësuesve të Odës së Afarizmit të Kosovës dhe bizneseve me Ministrin e Tregtisë dhe Industrisë Vesel Krasniqi.

Në këtë takim u shpalosën shqetësimet e bizneseve, rëndësia e mbështetjes së tyre të cilat janë dëmtuar nga pandemia dhe rëndësia që të përkrahen prodhuesit vendor qoftë nëpërmjet ofertave apo lirimit të plotë të lëndës së parë si për furnizime brenda ashtu edhe jashtë vendit. Po ashtu nga OAK u kërkua që të trajtohen me prioritet kërkesat e rreth 30 bizneseve të cilat kanë aplikuar për statusin e investitorit strategjik e të cilat janë në pritje për shqyrtim tash e disa vite.

Gezim Selimi nga Industria e Mishit Calabria theksoi sfidat me të cilat përballen si biznes prodhes në raport me rrjetet e marketeve duke përfshirë mosrespektimin e afatit të pagesave, pagesat që duhet të paguajnë për hapësira dhe pozicione, saldo vjetore, rabatet dhe produktet dhuratë me rastin e hapjes së pikave të reja paraqesin një kosto shtesë që po rëndon bizneset dhe prodhimet vendore.

Kurse Afërdita Gashi nga MC Unit theksoi vështirësitë e bizneseve përgjatë pandemisë dhe mungesën e përkrahjes nga ana e shtetit e sidomos tek bizneset ku udhëheqin gratë.

Gjatë këtij takimi u kërkua që të subvencionohet prodhimi vendor me 10%, të krijohen politika mbrojtëse e tek tenderimet publike përparësi të iu ipet prodhimeve vendore.

Ministri Krasniqi ritheksoi se do të jetë gjithherë përkrahës i bizneseve pasi që nga këto varet edhe zhvillimi ekonomik i vendit. Në fund, ministri Krasniqi e falënderoi Odën e Afarizmit për aktivitetin e pandalshëm në kreativitetin e përfaqësimit të bizneseve.