Nënkryetarja për sport, Valentina Vezzali ka konfirmuar se ajo ka kërkuar 75 përqind të kapacitetit për stadium të hapura një muaj para se të fillojë sezoni i Serie A, transmeton Insajderi.
Pandemia COVID-19 goditi Italinë përpara çdo kombi tjetër jashtë Azisë, me rastin e parë në shkurt të vitit 2020, edhe situata vetëm tani po vihen nën kontroll.
‘Unë kam kërkuar 75 përqind kapacitet për stadium të hapura dhe 50 përqind për arena të mbyllura sportive në zonën e bardhë”, tha Vezzali.
“Në zonën e verdhë, unë kërkova të rritja kufirin e tanishëm maksimal prej 1.000 njerëz në ambiente të hapura dhe 500 në hapsira të mbyllura”, vazhdoi tutje ajo në rrjetin social “Twitter”.
Sezoni i Serie A do të fillojë më 21 gusht, por asnjë klub nuk ka hedhur në shitje biletat sezonale, pasi ende nuk është bërë e qartë se sa do të jetë kapaciteti i lejuar në stadiume.
Roma priti disa ndeshje gjatë “EURO 2020” me kapacitet 25 përqind, duke përfshirë edhe ceremonin dhe ndeshjen hapëse të kësaj gare mes Italisë dhe Turqisë./Insajderi.com
