Ujërat e kaltër, plazhet me rërë të artë, delfinët që notojnë me plogështi në det të hapur. Arkipelagu Fernando de Noronha pranë brigjeve të Brazilit është një nga destinacionet më të bukura në botë, njofton Injsaderi.
Dhe tani është përsëri e hapur për turistët – por me një kusht të papritur. Mund të shkoni vetëm nëse tregoni se keni pasur Covid-19.
Fernando de Noronha, shtëpia e Baia do Sancho, emëruar plazhi më i mirë në botë nga Trip Advisor’s Travel Aëards’s Choice Aëards këtë vit, do të rihapet javën e ardhshme, sipas autoriteteve në shtetin verilindor të Brazilit Pernambuco.
“Për të zbritur në arkipelag, turisti do të duhet të paraqesë rezultatin e një testi PCR pozitiv që është të paktën 20 ditë i vjetër, ose rezultatin e testit serologjik që tregon praninë e antitrupave kundër Covid”, administratori i tij, Guilherme Rocha, i tha një konference shtypi të enjten.
Gjatë konferencës për shtyp, Rocha nuk shpjegoi qartë pse Brazili do të pranonte vetëm turistë që kishin pasur tashmë sëmundjen. /Insajderi.com
Burimi: CNN
