Ylli i skuadrës Brooklyn Nets të Ligës Amerikane të Basketbollit (NBA), Kevin Durant, nuk do të jetë në gjendje të luajë në ndeshjen All-Star për shkak të lëndimit të tij, njofton Insajderi.
Sipas njoftimit nga Brooklyn Nets, basketbollisti 32-vjeçar, i cili u dëmtua në këmbën e majtë, do të mjekohet për një kohë.
Durant do të luante si kapiten i ekipit të Konferencës Lindore në ndeshjen All-Star.
Ylli amerikan kishte pësuar lëndim të rëndë në tendinën e Akilit në vitin 2019, duke qëndruar jashtë parketit për 552 ditë.
Në sezonin aktual të NBA-së, Durant ka një mesatare prej 29 pikësh, 5,3 asistimesh 7,3 kërcimesh në 29 ndeshje. /Insajderi.com
