Khabib Nurmagomedov ka shuar të gjitha ëndrrat e ndjekësve të MMA ditën e djeshme duke u shprehur se nuk ka asnjë interes të ri ndeshet përsëri me Conor Mcgregor. Tashmë një biznesmen teksa ka inauguruar kompaninë telefonike “Eagle Mobile” dhe është pronar i kompanisë të MMA në rusi “Eagle Fighting Championship”, kampioni i botës mbajti një konferencë për shtyp për të sqaruar të gjitha pyetjet që mund të kishin gazetarët, njofton Insajderi.
I pyetur se nëse do të kthehej përsëri për të luftuar në UFC, Khabib u shpreh se nuk ka asnjë interes, për shkak se nuk ka kundërshtarë të duhur. “Nuk kam asnjë interes nga pikëpamja e garës. Dustin Poirier dhe Conor Mcgregor do të ndeshen të dy në 23 Janar, dhe unë i dorëzova të dy. Pse duhet të ndeshem përsëri me ta, kur ndeshjet ishin të një anshme”.
Sigurisht që Khabib nuk do t’i thoshte jo një shume të mëdha paraje, por shifra që përmend rusi është shumë e çmendur. Nëse Dana White do të më jepte 100 milionë euro të ndeshem ndaj Conor, këtu mund të ketë një problem. Këtu mund të flasim për rikthimin tim”- tha duke qeshur Khabib Nurmagomedov. /Insajderi.com
