Kina dhe Rusia kanë njoftuar për planet që ta ndërtojnë një stacion hapësinor hënor.
Agjencia Ruse e Hapësirës Roscosmos thotë se ka nënshkruar një marrëveshje me Administratën Kombëtare të Hapësirës të Kinës për të zhvilluar pajisje kërkimore në sipërfaqen e hënës, në orbitë ose të dyja.
Një deklaratë nga agjencitë hapësinore të të dy vendeve thotë se ajo do të jetë në dispozicion për t’u përdorur nga kombet e tjera.
Ajo vjen ndërsa Rusia përgatitet të festojë 60 vjetorin e fluturimit të saj të parë hapësinor me njerëz, raporton BBC.
Stacioni Hënor Shkencor Ndërkombëtar do të kryejë një gamë të gjerë kërkimesh shkencore duke përfshirë hulumtimin dhe përdorimin e hënës, tha një deklaratë nga të dy agjencitë.
“Kina dhe Rusia do të përdorin përvojën e tyre të akumuluar në shkencën hapësinore, kërkimin dhe zhvillimin dhe përdorimin e pajisjeve hapësinore dhe teknologjisë hapësinore për të zhvilluar së bashku një hartë rrugore për ndërtimin e një stacioni ndërkombëtar hënor kërkimi shkencor,” thuhej në deklaratë (në Mandarin).
Ai shtoi se të dy Rusia dhe Kina do të bashkëpunojnë në planifikimin, hartimin, zhvillimin dhe funksionimin e stacionit të kërkimit.
Chen Lan, një analist i specializuar në programin hapësinor të Kinës, i tha agjencisë së lajmeve AFP se projekti ishte një “punë e madhe”. /Insajderi.com
