Kina ka njoftuar ndalimin e provimeve me shkrim për gjashtë dhe shtatë vjeçarët.
Nxënësve u kërkohej të testoheshin nga viti i parë i shkollës fillore, deri në provimin pranues në universitet në moshën 18 vjeç.
Por, ministria e arsimit tha se presioni po dëmton “shëndetin fizik dhe mendor” të nxënësve, shkruan BBC, transmeton Insajderi.com.
Në një deklaratë, ministria tha: “Provimet janë një pjesë e domosdoshme e edukimit shkollor …. [por] disa shkolla kanë probleme si provimet e tepërta, që shkaktojnë barrë të tepërt te nxënësit … kjo duhet të korrigjohet.”
Rregullat gjithashtu kufizojnë numrin e testeve dhe provimeve që një shkollë mund të vendosë për një afat.
Reagimi në platformën kineze të mediave sociale Weibo u përzien me disa duke thënë se ishte një hap në drejtimin e duhur për të lehtësuar presionin ndaj fëmijëve. Të tjerët pyetën sesi shkollat do të testojnë dhe matin aftësitë pa provime.
Njoftimi është pjesë e reformave më të gjera në sektorin arsimor të Kinës./Insajderi.com
