Kina po teston edhe një herë në masë të madhe një qytet të tërë, pasi njëri nga personat e testuar rezultoi i infektuar në provincën Xinjiang.
Rreth 4.7 milion njerëz në Kashgar po testohen, me 138 raste asimptomatike të gjetura deri më tani.
Kina ka qenë kryesisht e suksesshme në uljen e normave të infeksionit, por vazhdojnë të ketë shpërthime të vogla.
Xinjiang është shtëpia e pakicës Uighur kryesisht myslimane të Kinës, për të cilën grupet e të drejtave thonë se po përndiqet nga qeveria në Pekin.
Shkollat në Kashgar janë mbyllur dhe banorët nuk lejohen të largohen nga qyteti nëse nuk kanë një raport testimi negativ.
Rasti i parë në shpërthimin e Kashgar ishte një grua asimptomatike që punonte në një fabrikë veshjesh në qarkun Shufu, në periferi të qytetit.
Gruaja, e cila u zbulua se ishte e infektuar pas asaj që media shtetërore kineze e përshkroi si “test rutinë”, ishte rasti i parë lokal i zbuluar në territorin e Kinës për 10 ditë./Insajderi.com
Burimi: BBC News