Pas 32 vjetëve, kanë triumfuar të gjithë favoritët në xhiron e parë në Serie A.
Juventus, Milan, Inter, Roma dhe Napoli e ka në nisur sezonin në mënyrën më të mirë, me fitore dhe tri pikë të grumbulluara, shkruan Gazeta Express.
Juventus e ka mposhtur 3:0 Cagliarin në shtëpi, me të njëjtin rezultat triumfuan edhe ekipet e Milanos, Interi dhe Milani, duke mposhtur Fiorentinën, respektivisht Crotonen.
Roma gjithashtu e nisi sezonin me fitore, duke e mbajtur portën e paprekur si rivalët, pasi e mposhti 1:0 Atalantan. Fitore në xhiron e parë arriti edhe Napoli, që në udhëtim mposhti 1:3 Hellas Veronan.
Hera e fundit kur këto pesë ekipe kishin shënuar fitore që të gjitha në xhiron e parë, është edicioni i largët 1985/86, 32 vjet më parë.
Këto janë disa sinjale se Serie A do të jetë më e fortë se kurrë më parë, kjo edhe për shkak të përforcimeve të shumta, sidomos blerjeve të Milanit.
