Armenia dhe Azerbajxhani po bëjnë një luftë tjetër mes vete për territorin e Nagorno – Karabakhut, atë në internet. Rivalët po përdorin llogaritë zyrtare të mediave sociale për të rritur retorikën dhe për të mohuar pretendimet e sulmeve, transmeton Insajderi.
Aspektet muzikore, historike dhe vizuale të videos supozohet të krijojnë ndjeshmëri dhe pikëllim.
Violonçelisti armen Sevak Avanesyan u filmua duke luajtur në katedralen e Shenjtë të Shpëtimtarit të mbuluar me mbeturina në qytetin Shushi në Nagorno – Karabakh, një rajon i shkëputur në Azerbajxhan i dominuar nga armenët etnikë që nga fillimi i viteve 1990, raporton Al Jazzera.
Katedralja u granatua në 8 tetor, sipas zyrtarëve armenë, nga dy sulme të forcave të Azerbajxhanit që ishin pjesë e ofensivës së tyre për të rimarrë rajonin që filloi në fund të shtatorit.
Rifillimi i konfliktit dekada të vjetër shkaktoi një luftë të plotë të informacionit që – të dy palët pretendojnë – pasqyron, shtrembëron, dhe ekzagjerojnë armiqësitë në terren.
Pjesa e violonçelit, me titull “Lejleku”, u shkrua nga kompozitori më i famshëm dhe tragjik i Armenisë, Komitas, i cili pësoi një krizë nervore pasi mbijetoi vrasjet masive të armenëve në Turqinë Osmane dhe vdiq në një institucion mendor në Paris.
Videoja muzikore u postua në 12 tetor në llogarinë zyrtare të Armenisë në Twitter dhe mesazhi ishte i qartë – bombardimet e katedrales nga Azerbajxhani, një komb turqishtfolës prej 10 milionësh, aleati më i afërt i të cilit është Ankaraja, ishte pjesë e një armiqësie shekullore të turqve ndaj armenëve. /Insajderi.com
Violoncellist Sevak Avanesyan performs "Krunk" composed by #Komitas, at the Holy Savior #Ghazanchetsots Cathedral in #Shushi.
The #Cathedral was twice attacked on Oct 8 by #Azerbaijani armed forces. pic.twitter.com/mmlOPW4fGr
— Armenia 🇦🇲 (@armenia) October 12, 2020
