Kosova U-21, pesë raste me Covid-19

Kosova U-21, pesë raste me Covid-19

Në prag të ndeshjes kualifikuese mes Kosovës dhe Andorrës për grupmoshat U-21 që zhvillohet të martën në “Fadil Vokrri”, katër lojtarë dhe një anëtar i stafit të Përfaqësueses së Kosovës, kanë rezultuar pozitiv në testin për koronavirus, njofton Insajderi.

Këtë e ka bërë të ditur faqja zyrtare e Federatës së Futbollit të Kosovës në Facebook, ku shkruajnë: “Federata e Futbollit e Kosovës njofton opinionin se Kombëtarja U21 dje iu ka nënshtruar testit për Covid-19 dhe sot është njoftuar me rezultatet e testeve. Me këtë rast katër futbollistë dhe një anëtar i stafit kanë rezultuar pozitiv, por që të gjithë janë asimptomatik dhe mirë me shëndet. Menjëherë pas njoftimit të rezultateve të testeve të gjithë personat që kanë rezultuar pozitiv janë izoluar dhe nuk kanë kontakt me pjesën tjetër të ekipit. Po ashtu, duhet cekur që Federata edhe më herët i ka marrë të gjitha masat e nevojshme për këtë grumbullim, ku të gjithë futbollistët kanë qenë në dhoma të ndara që nga fillimi. Personat që kanë rezultuar pozitiv janë ritestuar gjatë ditës së sotme në Institutit Kombëtar të Shëndetësisë Publike dhe janë në pritje të rezultateve për t’u konfirmuar nëse sërish pozitiv”.

Nga lojtarët e prekur, bëhet fjalë se janë mesfushori i Granadës në Spanjë, Eris Abedini, Kreshnik Hajrizi, mbrojtësi Lirim Kastrati dhe dy të tjerë të paidentifikuar akoma. /Insajderi.com