Ministrat e jashtëm dhe të mbrojtjes të NATO-s do të takohen me videolink të martën, një ditë pasi aleanca ushtarake perëndimore lëvizi për të kufizuar hyrjen në selinë e saj për një grup zyrtarësh të Bjellorusisë.
Vendimi pason ndërhyrjen e Minskut muajin e kaluar që detyroi një fluturim të Ryanair nga Athina në Vilnius të zbarkonte në Minsk në mënyrë që të arrestonte një gazetar 26 vjeçar, i cili shkaktoi zemërim në Perëndim, raporton euronews.
“Ne kemi vendosur të kufizojmë hyrjen e personelit Bjellorus në selinë e NATO-s bazuar në vlerësimin tonë të masave të sigurisë në selinë e tyre,” u tha sekretari i Përgjithshëm i NATO-s Jens Stoltenberg të hënën.
Masa pritet të prekë rreth pesë zyrtarë, të cilëve do t’u hiqen distinktivët e zakonshëm të delegacionit, duke i privuar ata nga disa akses në disa zona të selisë së NATO-s në Bruksel. Sidoqoftë, ata do të jenë ende në gjendje të hyjnë në kompleks si vizitorë.
Megjithëse nuk është një anëtare e NATO-s, Bjellorusia ka pasur një mision diplomatik në Bruksel që nga viti 1998 pasi zhvilloi lidhje me aleancën pas rënies së Bashkimit Sovjetik.
Nën një partneritet bashkëpunimi për trajtimin e çështjeve të tilla si kontrolli i armëve dhe edukimi ushtarak, stafi Bjellorus ka qenë në gjendje të marrë pjesë në takimet dhe seminaret e NATO-s. /Insajderi.com
