Besar Musolli do të jetë një lojtar i Gjilanit, teksa tani ka marrë edhe lejen e kalimit nga skuadra e Kukësit.
Pas raportimeve të ditës së sotme, se mesfushori nuk po merrte dot lejen e kalimit nga Kukësi për t’u larguar, palët kanë biseduar sërish dhe drejtuesit më në fund i kanë dhënë lejen e kalimit lojtarit, transmeton Insajderi.
Musolli pritet të zyrtarizohet te skuadra e Gjilanit në Kosovë, që drejtohet nga trajneri Gentian Mezani.
Burime në klub dhe pranë lojtarit i thanë gazetës pak minuta më parë se palët gjetën marrëveshjen dhe pritet që Kukësi të bëjë në faqen zyrtare edhe një postim special për nder të kapitenit historik, i cili ishte pjesë e verilindorëve prej 8 vitesh./Insajderi.com.
