Megjithëse janë vendosur kufizimet kufitare dhe masat për vetë-izolim po i bëjnë njerëzit të vizitojnë shumë prej destinacioneve më të njohura në botë për momentin, një vend i njohur për bukurinë e tij natyrore tani po mirëpret të gjithë mysafirët – Maldives, shkruan CNN, transmeton Insajderi.
Që nga 15 korriku, ky komb ishull në Oqeanin Indian ka rihapur turizmin ndërkombëtar dhe mbase në mënyrë të jashtëzakonshme, nuk ka shumë kushte për vizitë.
Udhëtarët globalë nuk do të duhet të hyjnë në një karantinë të detyrueshme pas mbërritjes në Aeroportin Ndërkombëtar të Velana në kryeqytet, Male. As nuk do të duhet të japin prova që ata kanë testuar negativisht për koronavirusin.
Nuk ka gjithashtu kërkesa të reja për vizë apo tarifa shtesë për të paguar.
Një ishull, një vendpushim –është në fakt kushti i vetëm!
Në fillim, vizitorët ndërkombëtarë do të lejohen vetëm në ishujt turistik dhe ata duhet të rezervojnë tërë qëndrimin e tyre në një institucion të regjistruar.
Përjashtimet do të bëhen vetëm për aranzhimet e tranzitit, sipas udhëzimeve të qeverisë së Maldive.
Për sa i përket parandalimit të Covid-19, zyrtarët e turizmit po llogarisin në faktin se secili vend turistik në thelb ofron formën e tij të karantinës tashmë – megjithëse një gjë mjaft e këndshme.
Shumica e ishujve në Maldive të zhvilluara për turizëm paraqesin një vendpushim të vetëm. Nëse mysafirët ose stafi vijnë në kontakt me dikë që teston pozitivisht për Covid-19, në teori ata do të jenë lehtësisht të gjurmueshëm, ndërsa potenciali i përhapjes mbahet në minimum.
Por aq tërheqëse sa tingëllon të hipni në një aeroplan për Maldive tani, udhëtarët duhet t’i nënështrohen karantinës së vendit të tyre pas kthimit në vend – dhe kjo mund të paraqesë një problem për pushime në ishull. /Insajderi.com
