Lojtari legjendar meksikan dhe ish-kapiteni i Barcelonës, Rafael Marquez Alvarez dhe një udhëheqës tjetër i grupit, janë midis 22 personave të dënuar për lidhje të dyshuara me një organizatë të trafikimit të drogës, njoftoi të mërkurën Departamenti i Thesareve të SHBA-së.
Sanksionet janë rezultat i një hetimi shumëvjeçar të organizatës për trafikun e drogës që thuhet se kryesohet nga Raul Flores Hernandez, tha departamenti në një deklaratë, shkruan Insajderi.
Ky departament gjithashtu do të sanksionojë 43 subjekte në Meksikë, duke përfshirë një ekip të futbollit dhe kazino.
Ky është përcaktimi më i madh i një organizate të trafikimit të drogës ndonjëherë nga Zyra e Kontrollit të Pasurive të Huaja, thuhet në deklaratë.
Marquez, 38 vjeç, ishte mbrojtës i Barcelonës, Monakos dhe Nju Jorkut Red Bulls, i cili aktualisht luan për në Guadalajara dhe është kapiten i ekipit kombëtar meksikan. Ai nuk luajti me Atlas të mërkurën.
Më vonë gjatë ditës, Marquez mohoi të kishte lidhje me trafikantët e drogës, shkruan Vice.
“Unë kategorikisht mohoj çdo lloj lidhjeje me këtë organizatë,” tha Marquez në një deklaratë, duke shtuar se “sot është ndeshja ime më e vështirë; Unë do të përpiqem ta qartësoj gjithë këtë situatë.”
Flores Hernandez dyshohet se ka operuar në mënyrë të pavarur në qytetin verior të Guadalajaras por ka mbajtur aleanca me kartelet si Sinaloa dhe Jalisco New Generation.
Zyra e Prokurorit të Përgjithshëm tha se Flores Hernandez u arrestua më 20 korrik, ndërsa ekstradimi i tij është në pritje.
Sipas deklaratës së SHBA-ve, zyra e Prokurorit të Përgjithshëm të Meksikës sekuestroi gjithashtu të mërkurën pasuritë e lidhura, duke përfshirë lokalin e madh të kumarxhinjve pranë Guadalajara.
Prokurorët meksikanë thanë se po punonin ngushtë me autoritetet amerikane për këtë çështje dhe thanë se Marquez erdhi vullnetarisht në Zyrën e Prokurorit të Përgjithshëm për të dhënë një deklaratë.
Mike Vigil, ish-shefi i operacioneve ndërkombëtare në Administratën e SHBA-ve për Zbatimin e Drogës dhe autor i librit “Deal”, tha se 64-vjeçari Flores Hernandez ka qenë në biznes që prej viteve 1980.
“Ai është jashtëzakonisht dinak në mënyrën se si bën strategjinë dhe udhëheqjen midis karteleve,” tha Vigil.
Por, agjenti i mëparshëm shtoi, Flores Hernandez ka mbetur një trafikant i nivelit të mesëm të drogës, duke u kujdesur që të mos e formojë një kartelë, dhe vonë kishte lidhur veten me Nemesio Oseguera, Kartelin e ri Jalisco New Generation./Insajderi.com
