Esraa Abdel Fattah, një nga fytyrat më të shquara të revolucionit 2011 në Egjipt, është liruar nga burgu.
Aktivistja dhe gazetarja 43 vjeçare kishte kaluar gati dy vjet në paraburgim pasi u arrestua në tetor 2019.
Ajo ishte akuzuar për “përhapjen e lajmeve të rreme” dhe bashkëpunimin me një “grup terrorist”.
Avokati i saj konfirmoi të dielën se zonja Abdel Fattah ishte jashtë burgut, disa orë pas vendimit të papritur për ta liruar.
Esraa Abdel Fattah ka një histori të gjatë aktivizim dhe luajti një rol të rëndësishëm në protestat e vitit 2011, të cilat ndihmuan në rrëzimin e sundimit dekada të gjatë të regjimit të Hosni Mubarak.
Ajo ishte një nga aktivistet e para egjiptiane që përdori mediat sociale për të ndihmuar në organizimin e demonstratave anti-qeveritare, duke i dhënë asaj pseudonimin “Vajza e Facebook-ut”.
Më vonë ajo u nominua për Çmimin Nobel për Paqen dhe u emërua Gruaja e Vitit nga revista Glamour. /Insajderi.com
