E ardhmja e Elseid Hysaj është vendosur dhe sezonin e ardhshëm ai do të jetë pjesë e një skuadre tjetër, për shkak se ka vendosur të largohet nga Napoli, njofton Insajderi.
Të shumta janë klubet që janë në garë për të marrë shërbimet e mbrojtësit shkodran. Menjëherë pasi menaxheri konfirmoi se lojtari do të largohet nga Napoli, në mediat italiane nisi të qarkullojë lajmi se klubi portugez, i Benficas, ka shfaqur interes për të marrë shërbimet e lojtarit. Gjithashtu interes për shqiptarin, kanë shfaqur edhe dy klubet e njohur franceze, Olympique Marseille dhe Lyon.
Megjithatë nuk janë vetëm këto skuadra që kanë shfaqur interes për shkodranin. Raportohet se së fundmi në garë për shërbimet e Hysajt është futur edhe skuadra e La Ligës spanjolle, Sevilla.
Këta të fundit po e ndjekin me kujdes situatën e mbrojtësit të djathtë dhe po përgatisin ofensivën për të mbërritur te lojtari. /Insajderi.com
