Lajme të këqija vijnë për Gennaro Gattuso-n, i cili do të luajë pa Fabian Ruiz për sfidën ndaj Fiorentinës e cila është e programuar të zhvillohet nesër në orarin e mesditës në stadiumin “Diego Armando Maradona”, njofton Insajderi.
Mesfushori spanjoll ka rezultuar pozitiv me Coronavirus pas tamponëve të kryer mëngjesin e sotëm nga klubi napoletan.
Këtë lajm e ka bërë publike, klubi nga Kampanja me anë të një komunikate zyrtare e cila tregon se Fabian Ruiz është vetë-karantinuar:
“Të gjithë negativ me COVID-19 pas tamponëve të kryera këtë mëngjes, përveç Fabian Ruizit. Futbollisti spanjoll ka rezultuar pozitiv dhe do të ndiqet me kujdes në periudhën e izolimit në banesën e tij.”, përfundoi komunikatën klubi i Napolit. /Insajderi.com
📌 | Tutti negativi al Covid-19 i tamponi effettuati questa mattina ai componenti del gruppo squadra ad accezione di Fabian Ruiz. Il calciatore spagnolo è risultato positivo e osserverà il periodo di isolamento presso il proprio domicilio. pic.twitter.com/F3XR16JYxj
— Official SSC Napoli (@sscnapoli) January 16, 2021
