Ekipi nga Premier Liga, Manchester United, ka shprehur interesim dhe ka hapur negociatat me Edison Cavanim dhe me Real Madrid, për Luka Jovic.
Gazetari i mirënjohur italian, Gianluca Di Marzio, raporton se United, ka hyrë në bisedime me Cavanin, duke i ofruar atij një marrëveshje që të bëhet lojtar i Manchester United, pasi ai tanimë është lojtar i lirë dhe është duke pritur për të gjetur klub të ri, transmeton Insajderi.
Di Marzio, gjithashtu raporton se United ka hapur bisedimet edhe me Real Madrid, për sulmuesin e tyre, Luka Jovic, me një propozim për huazimin e tij.
Manchester United, aktualisht ka Anthony Martial dhe Odion Ighalo si sulmues të ekipit, ndërsa ky i fundit do të qëndrojë tek United vetëm deri në muajin Janar, kur do t’i duhet të kthehet në ligën e Kinës./Insajderi.com.
