Industritë e mëdha të tabakos janë në kërkim të personave të cilat kanë shumë ndjekës në rrjetet e tyre sociale dhe sjellin ndikim në shoqëri për të promovuar produktin e tyre, shkruan Insajderi.
Në shumë foto të këtyre personave mund të shihet një paketë cigare apo një shishe alkool, kjo është si njjë formë reklame e paligjshme, e fshehtë dhe paguar nga një nga kompanitë më të mëdha të duhanit në botë.
Kjo teori është vërtetuar në bazë të një hulumtimi dy vjeçar, ku und të shihej se sa ndikim kishin disa persona të paguar në konsumimin e duhanit nga masa.
Më vonë ka qenë e vështirë për të bërë kontakte me këta influencues pasi pjesa më e madhe e këtij lloj marketingu u fshi që kur skandali erdhi në dritë.
Ndjekja e punës së fshehtë të kompanive të duhanit ishte një proces i përpiktë.
E tëra filloi me gjetjen e modeleve dhe duke punuar jashtë.
Me kalimin e kohës, ngadalë u bë e qartë se kompanitë e duhanit po infiltrojnë platforma online, kur u shfaqën lidhje midis postimeve të mediave sociale dhe imazheve tradicionale të marketingut dhe sloganeve që përdoreshin për të shitur Marlboro ose Lucky Strike.
E tërë ky plan u zbulua me anë të shkrimeve me të cilët shoqëroheshin këto foto.
Për këtë rast janë intervistuar shumë influencues të cilët kanë treguar se si ka funksionur ky lloj i biznesit.
“Ndalohej të shfaqnim në foto marka të tjera përveç atyre që reklamonin. Ka ndodhur që dikush ka ngarkuar një foto ku mund të shihej një kuti e cigareve nga një markë tjetër dhe ata të detyronin ty ta fshije atë ” – ka thënë njëri nga ata.
Gjithçka në lidhje me këto fushata të mediave sociale për duhanin është projektuar për të arritur audiencën më të gjerë të mundshme globale.
Nuk është e vështirë të kuptohet arsyetimi që mbështet strategjinë, megjithatë moralisht të zbrazët.
Për të tërhequr një brez të ri të duhanpirësve në të gjithë botën, ajo duhet të mbajë diçka që i afrohet eliksirit të vjetër të suksesit të reklamave: ‘cool’.
“Shikuam vetëm 123 shkrime të lidhura me fushatat e marketingut të lidhura me industrinë e duhanit, dhe zbuluam se ato janë parë më shumë se 25 miliard herë në botë” – ka thënë njëri nga hulumtuesit.
Edhe pse ky lloj i marketingut ilegal është i ndaluar me ligj, duket naivet që njerëzit të presin që gjigantët e industrisë së duhanit të tërhiqen pa luftë. Ata kanë investuar shumë për këtë./Insajderi.com
