Maserati zbuloi super veturën e tij të parë në 15 vjet të mërkurën. Me një trup të bërë kryesisht nga fibra karboni të lehta dhe alumini, MC20 i ri mund të arrijë një shpejtësi maksimale prej 325 kilometra në orë dhe të kalojë nga 0 në 96 kilometra nën tre sekonda, shkruan CNN Business, transmeton Insajderi.
Çmimet për makinën do të fillojnë me rreth 210,000 dollarë.
Ndryshe nga super vetura e fundit e Maserati, MC12, e cila kushtoi pothuajse 800,000 dollarë dhe ndaloi të prodhohej në vitin 2005, MC20 i ri u zhvillua tërësisht nga Maserati, duke përfshirë motorin e tij të pazakontë me turbocharged V6 me 630 kuaj fuqi. /Insajderi.com
