Pas maskave të fytyrës, mburojat plastike të fytyrës janë bërë linja e dytë e mbrojtjes për shumë njerëz.
Megjithatë, një model simulimi japonez ka zbuluar se mburojat e fytyrës mund të jenë plotësisht joefektive në bllokimin e aerosoleve të frymëmarrjes, duke vënë në dyshim efektivitetin e tyre si një masë për të përmbajtur transmetimin, shkruan Guardian, njofton Insajderi.
Sipas një modeli të projektuar nga Fugaku, superkompjuteri më i shpejtë në botë, gati 100 për qind e pikave të ajrit me madhësi më të vogël se 5 mikrometra arritën të shpëtonin përmes mburojave të fytyrës të varietetit të përdorur nga njerëzit e punësuar në industrinë e shërbimit. Një mikrometër është një e milionta e metrit.
Sipas Riken, një strukturë kërkimore e ndihmuar nga qeveria e vendosur në qytetin Kobe në Japoni, gati gjysma e pikave më të mëdha me përmasa rreth 50 mikrometra gjithashtu shpëtuan në ajër pavarësisht se një individ mbante vizore plastike.
Superkompjuteri gjithashtu kishte kryer simulime mbi përhapjen e pikave të frymëmarrjes në hapësira të mbyllura siç janë kabinat e trenave pa dritare dhe hapësirat e ndara për zyre./Insajderi.com
