Një rast i veçantë është për presidentin Claudio Lottito në Itali. Presidenti i Lazios ka festuar në ditën e sotme për ngjitjen e ekipit të dytë në Serinë A. Bëhet fjalë për Salernitanën që u pozicionua në vendin e dytë në Serinë B, duke siguruar biletën direkte për ngjitjen në elite, njofton Insajderi.
Megjithatë për Lottiton nuk do të ketë shumë kohë për festë. Tashmë presidenti i dy klubeve në Itali është i detyruar që të heq dorë nga një prej tyre brenda afatit kohor të 30 ditëve.
Rregullat në Itali janë të qarta dhe e ndalojnë çdo person që të zotërojë dy klube në një kampionat. Për këtë arsye Lottito duhet të marrë vendimin e tij, ndërsa me aksionet e rritura do të përfitonte shumë edhe nga shitja e Salernitanës. /Insajderi.com
