Amir Khan është kthyer në boks në mënyrën më të mirë të mundshme. Boksieri i famshëm britanik i cili kishte pauzuar gjatë , gati dy vjet pasi humbi nga Saul Alvarez në meçin pë titull bote në versionin WBC.
Por mbrëmë, meçin kundër Phil Lo Grecos e përfundoi për 40 sekonda dhe atë fillimisht duke e rrëzuar kundërshtarin në nokdaun pas vetëm 15 sekondave dhe më pas duke i dhënë një rrebesh goditjesh që e rrëzuan Lo Grecon dhe e detyruan gjyqtarin që ta ndërpresë meçin.
King Khan, siç preferon të quhet, ish kampion i botës në kategorinë e mesme në WBA dhe WBC, mbrëmë i dëshmoi të gjithëve se koha e krizës dhe lëndimeve ka kaluar dhe tashmë do të kërkojë që të kthehet në majë të boksit.
Boksieri 32 vjeçar mbrëmë ishte ylli kryesor i një ngjarjeje të madhe në Liverpul që kishte muaj që po paralajmërohej, por zgjati vetëm 40 sekonda, duke i lënë shumë shikues të zhgënjyer pse nuk panë më shumë aksion për paratë që kishin dhënë për bileta ose për të parë meçin në televizor.
Mënyrë ne furishme se si Khan e hapi dhe e përmbylli këtë meç për më pak se një minutë mund ta shikoni në video.
