Sipas gazetës italiane “Tuttosport”, peripecitë e skuadrës së Juventusit për të fituar zonën Champions nuk kanë mbaruar akoma, njofton Insajderi.
Edhe pse renditja ja lejon një vend për në Ligën e Kampionëve, Juvja mund të përballet me sanksionet e UEFA-s duke marrë parasysh që bardhezinjtë nuk kanë hequr ende dorë nga krijimi i Super Ligës. Juventusi mund të ndëshkohet me 1 ose 2 vite mospjesëmarrje në Champions.
Përkrah “Zonjës së Vjetër” renditen dhe Reali me Barcën të cilat mund të kenë të njëjtin fat. 9 klubet e tjera “të penduara” pranuan gjobën e UEFA-s e cila parashikonte 5% të fitimeve nga të ardhurat në Kupat e Europës, rreth 15 milionë euro.
Presidenti I UEFA-s, Aleksandër Ceferin mund të bëjë një lëvizje të fundit duke ditur dhe “mllefin” e tij me Agnelin, e cila nga një shoqëri e ngushtë përfundoi në armiqësi. /Insajderi.com
