Massimiliano Allegri do të jetë trajner i ri i Juventusit. Sipas mediave italiane, gjithçka është zgjidhur teksa mungon deklarata zyrtare e klubit torinez, njofton Insajderi.
Nga raportimet e fundit, mësohet se Allegri do të jetë pjesë e bardhezinjve deri në verën e vitit 2025, duke firmosur për katër vite, kontratë mjaft afatgjatë për një trajner. Në aventurën e mëparshme ai qëndroi pesë vite me Juventusin dhe fitoi pesë tituj kampion.
Këtë mbrëmje, ose nesër mund të vijë zyrtarizimi i largimit të Andrea Pirlos dhe lancimi i marrëveshjes me 53-vjeçarin, një nga trajnerët më të suksesshëm italianë të viteve të fundit. /Insajderi.com
