Ditën e sotme u hapën lajme se Vedat Muriqi kishte kërkuar të largohej nga skuadra e Lazios pasi nuk po arrinte të përshtatej në Itali, njofton Insajderi.
Gjithashtu u përfol për një telefonate të Muriqit me drejtorin teknik të Fenerbaçes, Emre Belezoglu teksa shtatlarti kosovar kërkonte rikthimin në Turqi.
Por mediat italiane afër skuadrës së Lazios kanë shkruar në lidhje me pretendimet e Muriqit për t’u larguar, duke u shprehur se Lazio beson ende te Muriqi veçanërisht drejtori teknik Igli Tare dhe trajneri Simone Inzaghi.
Situata duket mjaft e komplikuar në këtë moment teksa pritet një verë e nxehte për të ardhmen e Vedat Muriqit. /Insajderi.com
