Një lokal në Britani të Madhe ka vendosur një tel me rrymë elektrike para barit për të detyruar konsumatorët që të mbajnë distancën e nevojshme në këtë kohë pandemie.
Jonny McFadden, që është pronar i lokalit “Star Inn” në Cronwall, tha se kishte hapësirë të limituar në lokalin e tij të vogël dhe nuk po ia dilte dot të siguronte distancën sociale për shkak të disa klientëve që nuk i respektonin rregullat.
Ai e ka përshkruar pengesën me elektricitet si “një gardh normal me rrymë që e gjeni edhe në livadhe”.
I pyetur se a funksionon me të vërtetë ai ka thënë “ejani dhe provojeni vetë – ka një element frike për ta bërë dhe kjo po funksionon”.
Ai tha se ky gardh ishte një gjetje e mirë “sepse konsumatorët nuk duan ta prekin për ta parë nëse funksionon apo jo”, duke shtuar se “njëjtë si delet, edhe njerëzit po i rrinë larg”.
