Rikthimi i Bundesliga u prit si një finale e Ligës së Kampionëve.
Por akoma nuk janë kthyer në fushë ata që e zbuluan futbollin.
Premier League, kampionati më i fuqishëm i futbollit, marketingut e aspektit financiar do të kthehet më 17 qershor.
Asnjë rast pozitiv nuk ka dalur në testet e fundit për COVID19.
Dy ndeshjet hapëse të 17 qershorit janë: Aston Villa – Sheffield United dhe Manchester City – Arsenal.
LaLiga kthehet më 11 qershor me ndeshjen Sevilla – Real Betis.
Për dallim nga ai anglez, në kampiomatin spanjoll dy pikë është dallimi mes liderit Barcelona (58 pikë) dhe Real Madrid (56 pikë) pas 27 ndeshjeve.
Edhe në Serie A nuk ka dallim të madh mes ekipeve në krye të tabelës. Juventus 63 e Lazio 62 pikë mbajnë vendin e parë dhe të dytë.
Kampionati italian starton më 20 qershor me dy ndeshje: Torino – Parma, Verona – Cagliari.
Kujtojmë që Ligue 1 është ndërprerë dhe PSG është shpallur kampion./Insajderi.com
