Çmimi Global i Mësuesit të këtij viti i është dhënë Ranjitsinh Disale për punën e tij në ndihmë të vajzave, shumica nga komunitetet e varfra fisnore, në një shkollë fshati në Indinë perëndimore. Ai u zgjodh nga 12,000 nominime nga më shumë se 140 vende të botës, transmeton Insajderi.
Mësuesi indian u shpall nga aktori i njohur Stephen Fry si fituesi i Çmimit Global të Mësuesit 2020 në një ceremoni virtuale të transmetuar të enjten nga Muzeu i Historisë së Natyrës në Londër, raporton Al Jazeera.
Disale menjëherë njoftoi se do të ndante gjysmën e parave të çmimit prej një milionë dollarë me nëntë finalistët e tjerë.
Vendimi i tij do të thotë që 55,000 dollarë do të shkojnë për secilin nga nëntë finalistët e tjerë nga kombet, përfshirë Italinë, Nigerinë dhe Korenë e Jugut.
Disale është fituesi i gjashtë i çmimit, themeluar nga Fondacioni Varkey dhe jepet në partneritet me Organizatën e Arsimit, Shkencës dhe Kulturës të Kombeve të Bashkuara (UNESCO).
Ai tha se pandemia globale e koronavirusit kishte treguar rëndësinë e arsimit për komunitetet.
“Në këtë kohë të vështirë, mësuesit po japin më të mirën e tyre për t’u siguruar që çdo student të ketë të drejtën e tij të parëlindjes për një arsim të mirë”, tha Disale.
India aktualisht ka më shumë se 9.5 milionë raste me koronavirus, e dyta më e larta në botë pas Shteteve të Bashkuara.
Disale shtoi se të gjithë mësuesit ishin “ndryshuesit e vërtetë që po ndryshojnë jetën e studentëve të tyre” dhe ishte në këtë frymë që ai tha se po ndante fitimet e tij. /Insajderi.com
