Milani ka arritur një barazim surprizues në shtëpi nga Sampdoria, në një ndeshje e cila i kishte të gjitha brenda, por në fund u mbyll 1:1, njofton Insajderi.
Që në fillim Sampdoria u shfaq më kërkuese, duke rrezikuar disa herë portën, por pa sukses, me pjesën e parë që u mbyll me rrjeta të paprekura. Pjesa e dytë ishte me të vërtetë spektakolare, teksa miqtë gjetën golin e avantazhit në minutën e 58-të. Ishte veterani, Fabio Quagliarella, i cili përfiton nga një gabim i Theo Hernandez në mbrojtje, teksa gjuan direkt dhe e ndal topin në rrjetë, pasi Donnarumma kishte dalë më shumë sesa duhej.
Vetëm një minutë më vonë, skuadra e Ranierit mbeti me 10 futbollistë, pasi Andre Silva u ndëshkua me kartonin e dytë të verdhë. Nga kjo ‘kuqezinjtë’ u hodhën tërësisht në sulm, duke krijuar disa raste për shënim, por goli do të vinte në minutën e 87-të, ku Jans Hauge, pasi u fut nga stoli, ia doli të dërgojë topin në rrjetë, për të vendosur baraspeshën.
Në minutat e fundit ‘kuqezinjtë’ i shkuan shumë afër përmbysjes, por gjuajtja e Kessie u ndal në traversë. Kështu Milani mbetet në vendin e dytë me 60 pikë, pesë pikë më shumë se Juventusi i vendit të tretë që ka dy ndeshje më pak, dhe pesë pikë më pak se Interi i vendit të parë, që kanë gjithashtu dy ndeshje për të zhvilluar. /Insajderi.com
