Milani ka humbur një mundësi të artë për të siguruar matematikisht kualifikimin për në Ligën e Kampionëve, teksa ditën e sotme nuk ka shkuar më shumë se barazimi pa gola ndaj Cagliarit, njofton Insajderi.
Kuqezinjtë e Pioli u shfaqën më pak kërkues, në një sfidë ku duhej gjithçka për të marrë tre pikë, që do siguronte Champions-in, pas plot shtatë viteve mungesë.
Në “San Siro”, Cagliari i kishte rastet më të pastra për shënim, por Donnarumma me ndërhyrjet e tij vendimtare, nuk lejoi që topi të shkonte në rrjetë.
Milani shkon në kuotën e 76 pikëve, aq sa Napoli i vendit të katërt, ndërkohë që kuqezinjtë javën e ardhshëm kanë një ndeshje shumë të vështirë jashtë, siç është ajo ndaj Atalantës. Ndërkohë Juventusi qëndron në vendin e pestë me një pikë më pak. /Insajderi.com
