Gjatë zhvillimit të pjesës së parë të derbit Prishtina – Llapi, pas një dueli në mes të fushës, u përplasën kokë më kokë Diar Miftaraj dhe Valmir Veliu.
Futbollisti i Llapit, Veliu, pas përplasjes mbeti i shtrirë në fushë dhe në ato moment zyrtarët e bankës së Llapit vrapuan drejt tij.
Nga ajo përplasje, futbollisti i Llapit kishte humbur ndjenjat dhe në fushë nxituan mjekët për t’ia shpëtuar jetën atij.
Nga pjesa e publikut erdhi edhe mjeku i përfaqësuese së Kosovës në futboll, Murat Berisha.
Nga intervenimi i tij, Veliu mori veten dhe filloi të marr frymë.
Berisha për Insportin tregon për ngjarjen e sotme që ndodhi.
“E vërejta nga tribuna që lëndimi është serioz. Jam futur në fushë dhe kam vepru qe t’i lirohet rruga e frymëmarrjes. Pas veprimit tim ka fillu frymëmarrja dhe filloj të më përgjigjet në pyetjet që ia bëra. Dhe pastaj menjëherë e transportuam në spital”, përfundoi Murat Berisha./Insporti
