Seksioni i Krimeve Ekonomike i Prokurorit Krahinor të Madridit ka paraqitur një ankesë në “Pozuelo de Alarcón” kundër ish-trajnerit të Real Madridit, Jose Mourinho, për dy vepra penale kundër Thesarit, në lidhje me tatimin mbi të ardhurat e individëve (tatimi mbi të ardhurat), të kryera në vitin 2011 dhe 2012.
Në total shuma e mashtruar, që pretendohet, është 3,304,670 euro në total (1,611,537 euro në vitin 2011 dhe 1,693,133 euro në vitin 2012).
Pas largimit nga posti i tij si trajner i Chelsea (Angli), Mourinho nënshkroi më 31 mars 2010 një kontratë pune me Real Madridin dhe u zhvendos në rezidencën e tij në Madrid, duke fituar statusin e një rezidenti tatimor në Spanjë.
Megjithatë, “me qëllim të përfitimit të kundërligjshëm”, ai paraqiti deklaratat përkatëse në kohë, në vitin 2011 dhe 2012, pa deklaruar të ardhurat nga transferimi i të drejtave të tyre.
Mourinho kaloi tri sezone në krye të skuadrës nga “Santiago Bernabeu”, në mes të viteve 2010 dhe 2013, përpara se të kthehej në Angli për të pasur një eksperiencë të dytë me Chelsea. Ai trashëgoi verën e kaluar frenat menaxheriale në “Old Trafford” dhe e udhëhoqi Manchester United drejt fitimit të tre trofeve gjatë sezonit të tij debutues. /telesport.al
