Vedat Muriqi është lodhur nga zgjatja e tepërt e negociatave në mes klubit të Lazios dhe Fenerbahce dhe ka thënë që dëshiron që sa më shpejt të përfundojë e gjithë kjo dhe të largohet miqësisht nga ekipi turk.
“‘Dua të shkoj te Lazio, por bisedimet po bëhen të lodhshme. Kjo i shkon për mirë Fenerbahçes, skuadër me të cilën jam i lidhur fort”, u shpreh Muriqi, transmeton Insajderi.
“Nuk dua të largohem me polemika, nëse largohem dua të largohem me një përqafim”, shtoi ai.
Dy klubet po i diskutojnë detajet e fundit të operacionit.
Për Muriqin në garë së fundmi është futur edhe Fiorentina, por klubi turk dhe vetë futbollisti duan mbylljen e akordit me Lazion/Insajderi.com.