Një variant i ri “mutant i dyfishtë” i Coronavirusit është zbuluar nga mostrat e mbledhura në Indi, shkruan CNN, transmeton Insajderi.
Shkencëtarët po kontrollojnë nëse varianti, ku dy mutacione bashkohen në të njëjtin virus, mund të jetë më infektues ose më pak i prekur nga vaksinat.
Çfarë është një variant “mutant i dyfishtë”?
Ashtu si të gjitha viruset, Coronavirusi vazhdon të ndryshojë në mënyra të vogla ndërsa kalon nga një person tek tjetri.
Shumica dërrmuese e këtyre mutacioneve nuk ndryshojnë mënyrën e sjelljes së virusit.
Por disa mutacione shkaktojnë ndryshime në proteinën spike që virusi përdor për t’u kapur dhe për të hyrë në qelizat njerëzore – këto variante mund të jenë potencialisht më infektive, të shkaktojnë sëmundje më të rëndë ose të mos reagojnë ndaj vaksinave
Vaksinat kundër patogjenëve të frymëmarrjes si SARS-Cov2, virusi që shkakton Covid-19, na mbrojnë duke stimuluar trupat tanë për të bërë antitrupa.
Lloji më i mirë për të na mbrojtur janë “antitrupat neutralizues”, sepse bllokojnë virusin që të mos jetë në gjendje të hyjë në qelizat njerëzore.
Nëse ndodhin mutacione të mjaftueshme në një pemë virale të familjes ose në një prejardhje, virusi mund të fillojë të funksionojë ndryshe dhe prejardhja mund të bëhet e ashtuquajtura ‘variant shqetësues’.
Mutacionet në gjenin ‘spike’ mund ta bëjnë virusin natyrshëm “më të mirë” në infektimin e njerëzve ose mund të ndihmojë virusin të shpëtojë nga antitrupat neutralizues.
Kjo do të thotë nëse virusi shndërrohet në “mënyrën e duhur”, ai mund të ri-infektojë dikë që tashmë është rikuperuar nga Covid-19.
Por shkencëtarët thonë se ri-infeksionet do të jenë shumë të lehta krahasuar me infeksionet primare tek njerëzit që janë vaksinuar ose që janë shëruar tashmë nga një rast i mëparshëm i Covid-19. /Insajderi.com
