Trazirat e fundit të Izraelit me Palestinën dhe numri i lartë i personave që kanë ndërruar jetë ka bërë që të ndërhyjnë në qetësimin e situatës dhe futbollistë të cilët i përkasin zonës së luftës ose që kanë lidhje fetare me konfliktin, njofton Insajderi.
Në rrjetet sociale kanë reagur mesfushori i Milanit, Ismail Bennacer, mbrojtësi i Interit, Ashraf Hakimi dhe sulmuesi i Cityt, Riyad Mahrez. Të tre lojtarët janë me origjinë nga Afrika, por kanë lidhje të forta me besimin musliman duke i dalë në krah Palestinës në këtë konflikt.
Mesfushori i kuqezinjve ka postuar një foto më mbishkrimin “Unë jam i tronditur nga imazhet e dhunës ndaj vëllezërve dhe motrave Palestineze në Jeruzalem”, duke marrë përkrahjen e mijërave fansave dhe mbështetësve të tij. Mahrez me Hakimin kanë postuar foto të flamuri palestinez me mbishkrimin “Palestina e lirë”.
Tensionet kohët e fundit janë rritur shumë mes dy vendeve duke çuar në një konflikt me dhjetëra të vrarë. /Insajderi.com
