Neymar ka dhënë një intervistë të veçantë për “Graffer Magazine” atje ku ka folur për karrierën e tij. Futbollisti brazilian është shprehur se ka mbërritur edhe në pikën ku ka menduar për tërheqjen nga karriera, por është tërhequr për shkakun e punës së madhe që ka bërë në formimin e tij, njofton Insajderi.
“Sapo arrita në pikën e mendimit për t’u tërhequr ose për të vazhduar, e mendova dhe kujtova gjithçka që kam bërë për të arritur deri në atë pikë. Dashuria që kam për futbollin më ka dhënë qetësi. E menaxhoj mirë presionin te Brazili dhe PSG-ja, mendoj se mund ta menaxhoj gjithçka shumë mirë. E di gjithmonë që mund të menaxhoj gjërat siç duhet. E di që duhet të jap më të mirën pasi këtë presin njerëzit. Bota e sotme është shumë e ndjeshme, është qesharake të mendosh se nuk mund t’ia dalësh, pasi mund të bëhet gjithçka”, ka thënë Neymar. /Insajderi.com
