![Neymar dënohet me një ndeshje mos-lojë pas kartonit të kuq ndaj Marseille](https://insajderi.com/wp-content/uploads/2017/10/neymar-12.jpg)
Sulmuesi brazilian i Paris Saint-Germainit, Neymar do të shërbejë një ndalim prej një loje pas kartonit të tij të kuqe kundër Olympique Marseille të dielën mbrëma.
Klasikja franceze e zhvilluar të dielën ka sjell shumë emocione, gola, por edhe kacafytje mes lojtarëve të të dy skuadrave.
I tillë ishte edhe incident i lojtarit më të shtrenjtë në botë, Neymarit, i cili nuk mundi të përmbahej në një rast dhe u ndëshkua me të kuq.
Pas marrjes së kartonit të parë të kuq që kur u bashkua me ekipin e Ligue 1 nga Barcelona, Neymar do të detyrohet të mos-luaj në një ndeshje.
Sulmuesi brazilian do t’i mungojë skuadrës së trajnerit Unai Emery në një ndeshje të fortë si ajo e sotmja (e premte) ndaj Nice.
Reprezentuesi i Brazilit u ndëshkua vonë në barazimin 2-2 në “Le Classique” pas përplasjes me Lucas Ocampos, i cili e nisi këtë incident.