Stuhia e katërt që goditi Vietnamin brenda një muaji, Molave dëmtoi rreth 56,000 shtëpi dhe la miliona njerëz pa energji elektrike, transmeton Insajderi.
Vietnami ka vendosur makineri të rënda dhe qindra ushtarë për të kërkuar të mbijetuarit e varrosur nën rrëshqitjet e tokës të shkaktuara nga shirat e rrëmbyeshëm nga tajfuni Molave, një nga tajfunet më të fortë që ka goditur rajonin dekadat e fundit, raporton Al Jazeera.
Janë shënuar 21 viktima dhe dhjetëra të tjerë deklarohen të zhdukur të enjten pasi një tajfun përshkoi Vietnamin qendror një ditë më parë, duke shkaktuar rrëshqitje dheu në provincën qendrore të Quang Nam dhe duke shkaktuar disa nga shkatërrimet më të këqija të parë në vite e fundit.
Ekipet e shpëtimit u penguan nga moti i keq në fund të stuhisë dhe dhjetëra mbetën të zhdukur, tha një deklaratë e qeverisë.
“Ne mund të parashikojmë rrugën e stuhisë ose sasinë e shiut, por nuk mund të parashikojmë kur ndodhin rrëshqitjet e tokës”, tha Zëvendës Kryeministri Trinh Dinh Dung në një deklaratë.
“Rruga është e mbuluar nën baltë të thellë dhe shirat e mëdha janë ende duke goditur zonën, por puna e shpëtimit duhet të kryhet shpejt”.
90 trupa deri më tani ishin tërhequr nga balta nëpër tre fshatra të goditura rëndë në provincën Quang Nam, raportuan mediat shtetërore. Autoritetet thanë se edhe 45 persona të tjerë besohej se ishin varrosur në zonë. /Insajderi.com
