Duke pasur parasysh krizën me të cilën përballet Shërbimi Postar i Shteteve të Bashkuara para zgjedhjeve presidenciale, gjëja e fundit që John Herter priste të merrte me postë të shtunën ishte një formë kërkese për votim në mungesë me fytyrën e Presidentit Donald Trump mbi të, shkruan CNN, transmeton Insajderi.
“A është kjo një shaka?” – Herter tha se gruaja e tij i tha ndërsa ajo hapte postën për të zbuluar një foto të Trump duke buzëqeshur nën fjalët, “A do t’i lini demokratët t’ua mbyllin gojën? Veproni tani për të qëndruar me Presidentin Trump”.
Herter, i Qarkut Lincoln është në mesin e një grupi votuesish në Karolinën e Veriut që morën këtë në postë gjatë ditëve të kaluara pasi Trump tha se ai kundërshtoi fondet vendimtare të USPS sepse nuk dëshiron ta shohë atë të përdorur për votimin në postë këtë nëntor.
Gjatë një interviste në Fox Neës javën e kaluar, Trump tha se nëse USPS nuk merr kërkesën shtesë për 25 miliardë dollarë për demokratë të përfshirë në negociatat e vazhdueshme të pagesës së stimulit, atëherë ai beson se Zyra e Postës nuk do të jetë në gjendje të trajtojë fluksin e postës- në fletëvotimet në zgjedhjet e ardhshme. /Insajderi.com
